迎東邨新入伙甩石屎 房署:責成承建商安排修繕

房委會轄下東涌迎東邨今年入伙，近日傳出有懷疑石屎剝落問題。有網民指迎東邨部分樓宇單位，牆壁出現油漆剝落、遍地石屎以及生銹鋼筋外露等情況，擔心日後牆壁出現滲水問題。

有網民在Facebook專頁「迎東邨Ying Tung Estate」轉載數張圖片，指圖片來自迎悅樓及迎趣樓街坊。圖片可見，單位牆壁、牆腳等多處出現油漆及石屎剝落，部分位置有生銹鋼筋外露。轉載圖片的網民指，「唔鑿唔性都自己甩石屎，甩出嚟先見啲鋼筋咁唔靚，都唔知會唔會滲水添」。

不少網民看完圖片後都認為情況誇張，「會不會住住下塌屋」、「有呢個情况都唔知點算」、「鋼筋生銹對樓宇結構有冇影響？是否正常現象」。

房屋署回應時表示，房委員會一直重視建屋質素，就有關迎東邨發現個別單位的石屎剝落問題，已責成承建商作出相關的跟進包括已安排修繕工作。

建立時間 13:22
更新時間 18:18