雷頌德拒同黎明對親家：個外父咁惡

雷頌德（Mark）為海洋公園的活動創作歌曲，更親身出席宣傳活動。對於黎明（Leon）已公開將做父親，Mark笑稱，遲些要帶Leon來這裏玩，因為遲些對方也要學習帶小朋友到海洋公園玩。打算送甚麼禮物給Leon？Mark稱有待得知Leon的孩子是男還是女才算。Leon可有請教他湊仔心得？他稱：「唔使啦，佢咁勁，話做爸爸就做爸爸。」
可會替Leon創作歌曲給孩子？Mark說：「假如佢需要唱的話我先寫畀佢。（是否要知道是男還是女才可創作歌曲？）真係唔知道。（是否將歌曲作為賀禮送他？）我會送另外一啲嘢，但仲未諗到送乜。」若然Leon生女兒可會對親家？Mark笑言：「唔好啦，外父咁惡，唔得，太勁嘅外父，最怕阿仔做錯啲咩。（他不惡只是有金句？）係！我驚我個仔聽唔明，仲會同我講，『爸爸傳授一啲聽得明嘅金句畀我』。」（攝影：羅安強）