【車Cam直擊】的哥斜孭袋遺後座 「粉紅女狼」順手牽羊

路不拾遺是美德，但並非人人都做到。一名的士司機日前不慎遺下斜孭袋在車廂後座，其後竟被一名女乘客私自取走，整個犯案過程被車Cam拍下，司機其後將車Cam上傳社交網站facebook緝兇。

姓林的的士司機於「巴打絲打『02絲打專區』Facebook Club」發文，指本月15日下午3時許，他執拾車箱後因一時大意，將斜孭袋遺留在車廂後座位置。其後一名女乘客於深水埗元州街上車，「咁就送咗個袋畀人」。林先生指，自己入行僅3個月，第一次發生此類事件，而斜孭袋內放有一星期的車租、散紙及利是，形容今次損失慘重。

根據車Cam片段可見，一名身穿粉紅色長袖上衣的中年女士上車後，發現後座有個黑色斜孭袋，但未有即時通知司機，反而以身體遮擋。期間她突然假裝尋找東西，趁機將藏在身後的黑色斜孭袋抽出，迅速放在自己的手袋後，並以自己的手袋作遮掩，其後若無其事在荃灣眾安街下車。

不少網民紛紛轉發影片，以尋找該名貪心女乘客，有網民留言斥「一定要報警，不能縱容呢啲人」、「佢咁樣攞走好明顯係偷」，不過亦有人認為「可能佢係想拎去警署？」。

警方發言人表示，警方於上周四接獲一名47歲姓林司機報案，指其放在的士內的袋疑被一名女子偷去，案件列作盜竊處理。