林愷鈴單拖拍廣告 阿媽龔慈恩傍實指導

龔慈恩的18歲囡囡林愷玲（Ashley）愈來愈受品牌歡迎，最近Ashley「飛起」阿媽，第一次單拖上陣拍美容產品廣告，穿上白色喱士裙、牛仔熱褲，露出白滑長腿。Ashley拍攝時難免緊張，早前加入Mandy Lieu模特兒公司的她謂：「都有啲緊張，同埋今次都要講對白，所以都take咗幾次先成功。」
陪囡囡開工的龔慈恩幫手監場，又幫囡囡執靚個樣，每拍完一個鏡頭，都會走到攝影機後睇play back，最緊要傳授囡囡幾招，教擺甫士、講對白等，Ashley聽完都乖乖點頭。