連開17場棟篤笑以港生活為題 黃子華：考慮加場

黃子華和佘詩曼、鄧月平等人出席電影《棟篤特工》慶功宴，對於該片票房衝破4000萬，子華坦言不敢諗，如過千萬脫毒，兩千萬就摵甩，超過以上不敢諗，又認為過4000萬票房可以有拍電影機會，亦不覺得《一蚊雞保鑣》是恥辱的事，但不清楚老闆可會開拍續集。他又指，每日好像聽的士台，因為在群組每日都聽到有幾多票房。阿佘直言該片是從影以來參演電影獲得最高票房，又認為4000萬已經好多。

談到7月將於紅館舉行17場棟篤笑，黃子華表示一年前已構思，認為棟篤笑是另一種玩意希望大家支持。他又指，以前開過11場棟篤笑，今次就開17場，不過不設巡迴演出，只限於香港。他說：「因為話題講香港生活，如果去外地演出講香港會覺得好無聊。（可會加場？）視乎反應，加少少囉！」

提到有傳他想結婚生子，子華笑言多謝大家關心，日久見人心，路遙之馬力。問到是否生仔要結婚？他說：「咁呢個就唔係好消息，最緊要媽媽身體健康，之前媽媽唔舒服睇急症都被人影晒。」在旁阿佘笑謂有個20年無搵的朋友也傳訊息給她，要訂購60張的黃子華棟篤笑門票。

鄧月平笑言拍攝時也跟偶像黃子華合照，但不敢公器私用要求對方的「棟篤笑」門票，亦相信好多人想要，若未能買到門票睇愈返之前的棟篤笑來止喝。她說：「如果買不到華子華的門票，問下朋友有冇棟篤笑的工作證，陣間同子華自薦做工作人員先。」她又指會向黃子華問及正經事及劇本，對方亦會回答，就算問無聊事也會笑一笑。她說：「C君話佢係百科全書，但真係好博學多才，試過問佢無聊問題有冇捉過鬼？佢叫我去問C君。」