囝囝出玫瑰疹 車婉婉勁擔心：陰功豬成個人瘦哂！

車婉婉去年與老公Jonathon Quinlan生了囝囝BBQ，榮升人母。有仔萬事足的她，經常透過社交網分享生活點滴，更不時會分享自己的湊B心得。

婉婉在凌晨甫相，相中BBQ好像悶悶不樂咁，婉婉留言指，原來囝囝是出玫瑰疹：「這個新年前後其實Q氏都在為安撫BBQ而忙碌不已，平時好少扭計的BBQ，突然變成十分腌悶，成日都要黐住我；平時好動又喐身喐勢的BBQ，突然腳仔軟軟站不起來，仲成日戇居居咁；平時好為食嘅BBQ，已經有四日吃不下正餐，陰功豬成個人瘦哂⋯Q MaMa擔心之餘身心俱疲，但一直在鼓勵自己不要病倒，感恩so far okay!」

婉婉指原來出玫瑰疹係會高燒大概3日，再出疹大概3日，小朋友才會慢慢好起來。她指現在BBQ已經漸入佳境，今天可以食正餐，婉婉非常開心，更話要俾囝囝食番多啲補返先得！