演新片喜感爆發 偉仔孖君如五月天提早拜年

電影《捉妖記2》將於2月16日大年初一上映，有份演出的影帝梁朝偉，一口氣忙完9日內地宣傳活動，亦回香港準備過新年。在最新曝光的電影製作特輯中，偉仔不止勁有喜劇感，動作導演指偉仔拍攝時竟然敢從高處跳下，地下都不用放軟墊，大讚偉仔專業。

最新的《捉》製作特輯，偉仔於片頭第一句對白已經好搞笑，「呢個世道，靚仔就係俾人蝦。」他在戲中飾演一個技術不濟的老千，所以最叻「走佬」，於是有很多精采的逃跑戲份。

戲中一眾演員，包括偉仔、吳君如，楊祐寧、白百何、李宇春，以及兩首《捉》主題曲演唱者蔡依林與五月天就提早同觀眾拜年，各人手持揮春影靚相。偉仔、君如、導演許誠毅3人就來了一張難得合照，與小妖王胡巴一齊祝大家新年大吉大利、恭喜發財。