【疑被整蠱】瘋傳轉讓雪橇犬BB留埋電話 朱婉禎怒斥惡作劇報警

無綫藝人朱婉禎早排大爆陳嘉倩姣搶男友，揭下凸腩男陳志遠(Stephen)嘅複雜情海關係，令到是非纏身。朱婉禎近日再惹上麻煩，還弄得個人資料外洩，懷疑被人整蠱，要報警解決！
朱婉禎發出澄清，話近日有人盜用佢同狗狗嘅相片，喺互聯網WHATSAPP訛稱有6隻雪橇犬BB有待領養，而且留下陳志遠的電話號碼。朱在澄清中怒罵「嚴正指出有關訊息乃完全是虛構」，斥責「純屬是某些個別無聊至極人士之惡作劇，本人及家人均對這惡作劇感到無奈，同時亦就有關事情報警處理」。而喺佢徵詢完律師意見，就去咗報案，再發聲明澄清事件，希望阻止不實謠言繼續傳播。
不過呢，朱婉禎有隻狗狗就係真嘅，佢就話「我心愛的SUMMER仍然是"黃花閨女"」，仲話假如日後SUMMER真係有了下一代，定必即時分享。