肖像被盜Sell減肥產品 欣宜誓追究：大家唔好中伏！

鄭欣宜早兩年已經講明只會保持健康，不會再刻意減肥，要做返舒服自然的自己。不過有不法之徒不斷利用欣宜身形製造假廣告，近日更有面書專頁盜用欣宜的相片推銷減肥產品，以嘩眾取寵的標題呃人，資料全部錯兼亂作，又偽造欣宜推介減肥產品的相關資料。

欣宜對於被不法之徒盜相做假廣告之違法手段絕不姑息，除了作出追究之外，更呼籲網民切勿誤信此減肥廣告。她說：「我要澄清我係冇搵任何公司用任何產品，或者用任何儀器去做減肥療程，呢間公司係不合法地利用我嘅肖像去呃人，大家真係要睇清楚唔好俾佢呃，我同呢間公司完全冇關係！同埋如果大家真係要減肥，係要去搵專業人士幫手，千祈唔好隨便相信呢啲不誠實廣告，真係好危險，所以我哋會追究呢件事，希望大家唔好中伏！」