【片段】司機疑連續兩日愛車旁小便 車主嬲爆：狗嚟架?

不少車主都視愛驅如妻子，更以「老婆」稱呼，即使有少許損傷都非常肉痛。有車主上載兩段片段，見到連續兩日有司機疑於愛驅旁小便，令車主嬲爆，並上載片段怒斥「連柯(屙)兩日，狗黎(嚟)嫁(架)」。

第一段片段所見，一名七人車司機疑下車後，走到事主愛驅前小便，更露出舒服表情，而片段時間顯示為昨日(18日)早上約6時44分。第二段片段所見，該名司機再次車七人車下車，走到事主愛驅旁小便，但未有拍到情況，而片段時間顯示為今早約6時23分。

被小便的車主嬲爆上載片段，引起網民討論，紛紛諷刺疑似小便司機，「屙落你架車，係話你知，你架車已經係佢，你再揸就屙落油缸」、「咁鍾意係你車頭柯(屙)，霸地盤？」。

影片來源：馬路的事討論區