接警匪劇滿意酬勞 薛凱琪演打鬥戲致手骨移位

梁漢文、薛凱琪（Fiona）、王陽明、邵仲衡、麥長青及梁靖琪等出席劇集《蝕日風暴》發佈會，會上近50名藝人出席，卡士強勁。劇中Fiona跟王陽明飾演情侶，亦會演三角關係。接受訪問時，Fiona笑指王陽明對廣東話一曉不通，可乘機講他壞話。 問到可有親熱戲？Fiona笑說：「得好少，因為呢套係警匪片，有好多打鬥戲份，拍咗無耐已經打到手骨移位。感情關係複雜，比肉體嘅戲份更好睇。」她透露有36集，拍攝時間亦相對較長，問到是否要推遲不少工作？她說：「都推咗好多，但酬勞好好。（一部頂幾部電影？）都係，哈哈！」 此外，談到鍾欣潼男友賴弘國被譽為「醫界王陽明」，王陽明表示有看過報道。問到誰比較帥？他笑說：「當然是我，還要問嗎？哈哈！當然我見到他（賴弘國）就不會這樣說，紳士風度嘛。我有見過他一次，但完全不熟。」 首次飾演奸角的梁漢文在劇中有大量女朋友，談到可有激烈戲份，他笑說：「少少啦！導演話會加戲，係加感情戲。（怕唔怕太太扭耳仔？）唔會，都係拍嘢啫。」