自爆好耐冇同馬明睇戲 黃心穎：中秋夜仲未有人約

黃心穎以低胸短裙出席食肆開幕活動，獲大會送贈不少禮物，就連男友馬國明也受惠，當心穎代收一對男裝便鞋時，更不忘為男友「搲撈」，問大會為何不請馬明到場親自收禮？又答應會帶對方來食麵。 笑問是否酬勞高所以開低胸？心穎稱不關事，亦做足安全措施，只是想穿得喜慶一點，最近也喜歡嘗試不同的style。問到男友要否試新style？她即說：「咁又唔使，哈哈。（因找到了喜歡的天然呆type？）總之簡簡單單、平平淡淡就ok。（幫男友搲撈咁好？）接工作唔輪到我，只係請佢到場，可以直接畀佢啫；我哋係有試過一齊出活動仲一齊唱歌添。（情侶檔可叫高價？）不只情侶，有拍檔的，酬勞的確會較高。」提到中秋節在即，心穎直認當晚應該有時間但未有人約，又謂跟馬明好耐無見。笑指二人屢被野生捕獲拍拖睇戲，是否可趁暗黑拖下手仔？心穎哈哈笑道：「唔係呀！我睇戲好專注㗎！係大家的喜好，不過都真係想睇戲，因為好耐無睇了。」（攝影：羅安強）