大埔仁醫教診症煲湯 病人大讚：有醫德到癡線

事源事主早前發燒兼喉嚨痛，於是向公司請病假，用醫療卡到網內一間林姓醫生的診所看症，事主當時5點到登記，最後近8點看診。「相信好多有醫療卡既(嘅)朋友都知道醫生對手持醫療卡睇病既病人都係HEA左佢就算，三兩分鐘就扔佢出房，開最垃圾既(嘅)藥。而呢個醫生，真係好痴線，完全唔計成本效益。」 據事主觀察，每一個病人平均都會診症約10至20分鐘，有別於一些「三分鐘醫生」。事主入內看林醫生時更是「望聞問切」待遇，包括工作環境常搭的交通工具及工作習慣等他都問得一清二楚，了解情況後更鉅細無遺解釋病因防治，還「授人以漁」教事主診症煲湯。 正當以為林醫生的診治告一段落，事主等待取藥時姑娘將兩本醫書遞給事主，「佢隊左(咗)兩本書比我，話醫生寫左(咗)張紙仔，叫我用手機影低相關頁數返去慢慢睇，好好注意同調理身體。」事主還上傳醫生的手抄小紙條，表示醫生在為他診症時，已經將醫書相關內容的所屬頁數默寫下來。事主還笑說「搵到好醫生而滿載幸福感既(嘅)我唔記得叫醫生開假紙，我走既(嘅)時候冇拎假紙….最後返轉頭拎返」。 不少到診過的網民都浮上水面表示「由細睇到大」。有位網民更分享經歷，「我試過⋯⋯林醫生俾漏左張筆記我，然後⋯⋯佢寄到我屋企！！！」令到網民大呼「癡線」。