母屬高度殘障難有進展　泳兒不放棄信世界有奇跡

泳兒與羅力威參與迷你演唱會，對於明日就是母親節，羅力威稱會返教會獻唱後再和家人吃飯慶祝；母親中風入院年多的泳兒則說：「如常會去醫院探媽咪，本來想申請佢出來幾小時，但仲未得，依家最多離開床位兩小時，我可以帶佢落公園，為免有蚊針，今年我送畀佢嘅母親節禮物係好多蚊貼，佢好耐冇去戶外，希望吸收多啲新鮮空氣對病情好啲。（幾時出院？）唔知，佢屬於高度殘障，醫生話keep住咁樣，但我唔會放棄，相信世界會有奇跡，羅力威都話會幫我祈禱。」

音樂會上二人合唱《Beauty and the Beast》（美女與野獸）等歌曲，泳兒表示首次與對方同台演出，自嘲此組合有點「九唔搭八」；羅力威就戲稱：「冇九唔搭八，因我係靚仔，你係靚女。」那為何要唱《Beauty and the Beast》？羅力威竟道：「我係Beauty，你係Beast嘛！」泳兒即撒嬌指對方才是Beast！她透露今次會互相演繹對方作品，其中一首需經常轉key頗有難度，要羅力威做導師親身教她唱，剛患上感冒的泳兒更坦言：「真係唱到甩肺。」（攝影：羅安強）