高飛設靈　中風兒子獲尹揚明幫忙醫病

資深武打演員高飛上月底因前列腺癌病逝，終年67歲。今日於寶福紀念館設靈，以簡潔佈置為主，牌匾寫上「德範長存」，靈堂外放置高飛年輕時的武打劇照，高飛兒子林志強（Jamie）坐於輪椅上在靈堂內幫忙打點。 高飛生前好友尹揚明於下午4時許到達靈堂，對於Jamie因曾中風而行動不便，亦沒有工作，經濟出現問題。尹揚明表示聯絡過社署，Jamie的個案跟進中，但未有安排，又指若然未能安排住屋，他會安排地方讓對方居住。他說：「我同佢講大前提要醫病先，生活毋需擔心，有我哋響度，要識得照顧自己。希望佢唔使坐輪椅同有住宿，如果沒有住宿，我都會安排畀佢住。」

問到可會成立基金幫助Jamie？尹揚明直言有此想法，但要想清楚如何運作，不能草率行事。他說：「希望佢接受治療，要了解佢嘅病情，我覺得佢有少少抑鬱症同躁狂，都幾嚴重。佢肯接受治療，我會對症下藥。我都想搵個中醫幫佢針灸，希望令佢起返身，呢個日後長遠計劃，佢肯配合，我絕對做得到，佢唔肯就盡力而為，睇佢造化。」