何佩瑜學湊B練EQ同耐性

何佩瑜 （Jeana）在ViuTV真人騷節目《全職媽媽放大假》中要湊一名兩歲小朋友，不過湊B前要測試她對照顧小孩的能力，她帶著兩個小朋友玩蛋糕玩具，又見她煮了一枱飯餸，但BB望也不望就走開，令她即時扁嘴。 她為「湊仔」洗盡鉛華，淡妝無set頭，衣著着簡約，反而贏得稱讚。事緣因為四位BB的真媽咪視察幾位充當保母的女星動靜時，直言對Jeana第一感覺麻麻，但經過「面試」後卻改觀：「初初對佢印象唔太好，但見到佢今日嘅打扮，起碼佢覺得咁樣係適合啲，講嘢都有條理。」 Jeana重溫節目時，百般滋味在心頭，憶起當日湊B即笑說：「我本身好鍾意小朋友，但湊小朋友係苦樂參半，好需要EQ同耐性。」 此外，Jeana她早前於台灣拍攝電影《天使曾經來過》後遇上車禍，幸好有驚無險。適逢前日28歲牛一，繼和男友翁子光及朋友開小丸子生日派對後，Jeana繼續與友見面開餐，她謂好多朋友見到她都話曾經幻想會見她不到，所以生死有時可以好脆弱，今次車禍令她和身邊親友都有另一種體會。