《我瞞》大結局玩複製人　網民狂插：膠到爆

無線劇《我瞞結婚了》今晚大結局，一如劇情鋪排，估都估到是大團圓結局，黃浩然飾的Lucas當然命不該絕，但如何解決他與飾演Janet的黃翠如及Tony洪永城之間的三角關係呢？就係整個Janet複製人出來給Lucas，然後兩對新人一齊舉行水底婚禮，仲要莊思敏無啦啦騷胸扮美人魚跳落水！ 劇集一完結，網民就鬧爆：「真係好膠，無啦啦點解要變咗個複製人出嚟？唔可以直接搵另一個女仔演㗎咩？」、「膠到爆，討論都費事，前幾集咁好睇，以為大結局好正，浪費時間，回水呀。」亦有謂這樣的結果令網民浪費了之前19集收看的時間，更多認為根本昨晚一集大結局就可以，今晚這集是多餘！