Kelly Online：王迪詩嘆學生攞贊助「大開眼界」　要求送雪櫃iPad

早前網上就流傳樹仁大學工商管理學系系會學生向食肆請求贊助食物「甩底」事件，引起網民熱烈討論，事件亦令作家王迪詩有感而發。佢話明白店主感受，亦遇過同樣經歷。 王迪詩喺Facebook發文分享有關經歷，事緣係有學生邀請王迪詩出席「high table dinner」，但佢未能出席，為表歉意佢提議如果同學有興趣可以免費啲書俾佢哋，但竟然有同學回覆要求王迪詩送雪櫃、iPad以及LED電視等，王迪詩喺Facebook附上當時同學要求嘅贊助清單，直言「大開眼界」。 佢又試過有學生同樣邀講佢出席「high table dinner」，同學星期一發邀請，王迪詩星期三回霞，同學就覆佢話已經搵咗其他嘉賓唔洗去，王迪詩大感無奈，「也許他認為義務來參與的嘉賓也有義務秒回他，但我每天收到數百條FB私信，我已盡力盡快逐條看，而且工作涉及合作夥伴，我要確定那天能否出席學生活動也得跟同事們協調一下schedule，我用了一天多的時間來回覆這位同學，實在已經盡曬力」。 佢最後話分享呢啲經歷，係希望學生「想靠自己的力量去出人頭地，最重要不是才華，而是責任心」。