【特首選戰】Microsoft貼無紙枱頭照抽水：使乜飛紙仔咁old school

三名特首候選人昨晚在選舉論壇上互相駁火，其間林鄭月娥指曾俊華「枱頭無File、無紙張，好乾淨」，但自己就好忙碌有好多文件要處理。有關言論引起熱議，香港「Microsoft」加入抽水行列，今日在其fb專頁發文，並上傳一張枱頭相，稱要揭開「點解枱頭無紙之謎底」，並要「為打工仔平反」。 香港「Microsoft」在帖文中表示，今早一回到公司，老闆就問「枱頭做咩咁乾淨」，惟小編回應指「其實枱頭無紙張真係唔代表偷懶，因為我啲notes寫哂喺電腦」，又指使用OneNote，檔案就能與電腦及電話即時同步更新，更直言「仲使乜再飛紙仔咁old school呀」，更hashtag曾俊華昨日的金句「Work Hard、Work Smart」。 該帖吸引大批網民讚好，有人留言笑指「勁抽！」、「Microsoft 幾時出抽濕機？」、但亦有人稱「留名睇delete post」 另外，「頭號薯粉」、自由黨榮譽主席田北俊亦加入戰團，他在fb上傳一張枱頭照片，發帖表示「所以我咪無選特首囉」，並hashtag「自己知自己事」、「不是林鄭羨慕的那張枱」、「玩到無嘢玩要玩枱」、「我又WorkHard又WorkSmart」。不但抽水抽到盡，田北俊更在枱頭放置一罐薯片，硬銷「薯片叔叔」曾俊華。 行政長官候選人包括林鄭月娥、曾俊華及胡國興。 特首選舉2017專頁(按這裏)