【特首選戰】遭諷刺fb「嬲嬲去到鼻」　林鄭反譏薯片：有咁多時間儲like

行政長官論壇進行至自由辯論環節，曾俊華再度向林鄭月娥「開火」。曾俊華指，林鄭月娥曾表示當主流意見不支持她出任特首時，她會選擇辭職，而最近有調查指林鄭月娥支持度僅得30%，但反對度達至45％，「你未當選已經係一個負淨值，會唔會考慮退選？」 林鄭月娥回答指她與團隊有研究過各個民調，又指有很多民意調查，其中一個顯示她的民望已領先曾俊華三個百份點，惟曾俊華反駁「你信嗰個調查？」林鄭月娥續指，民望可上可落，「有啲人上任時民望好高，但係好快跌返落嚟」。 曾俊華又評論林鄭月娥在facebook的表現，指她「facebook live啲嬲嬲去到個鼻度」，質疑她如何與年青人「connect」。林鄭月娥表示她會致力解決年青人的學業問題，亦會讓他們參與議政論政，歡迎年青人與她溝通，她又反駁曾俊華「有咁多時間儲咁多like」，令她感到驚訝。 曾俊華將facebook成績歸功於其幕後團隊，但又遭林鄭月娥質疑「有人叫我選完之後請阿聰（曾俊華出任財政司司長時的政治助理羅永聰）」「請咗個好叻嘅政治助理」、「洗咗唔少錢」，曾俊華對此表示「一個團隊唔係有錢就買到」、「大家都係洗咁多錢，點解有人做到有人做唔到」，他認為只要團隊同心就能達到目標。 特首選舉2017專頁（按這裏）