孖新演員合作有火花　張衛健重提15年前夥拍「 紫蘭仙子」阿Sa好開心

回巢無綫演出新劇《大帥哥》的張衛健（Dicky）聯同一眾演員蔡思貝、楊秀惠、洪永城等人現身電視城出席造型記者會。戲中扮演軍閥的Dicky，直言對劇本很滿意，經已有10集，又指起初回無綫拍劇抱著玩嘅心態，但大家知他拍劇後充滿期望，感到有點壓力。他說：「可能離開香港好多年，但盡量保持玩的心態。」他又指為了回巢拍劇推辭不少工作，感到好肉赤，唯有跟經理人講不要再讓他知，不過本身拍劇不想做其他事要專心投入角色。 提到蔡思貝和洪永城演技幼嫩，蔡思貝更被彈未夠班擔正女一。Dicky坦言每個人有開始，新演員可以畀新鮮反應，反而鍾意跟新演員合作。Dicky又指當年跟蔡卓妍（阿Sa）合作《齊天大聖孫悟空》好開心，因為不知道對方會給予那些反應，又認為演戲沒有對與錯。對於洪永城大膽叫他做「死馬騮」，他笑指一日做馬騮，一世做馬騮，又指試過搭的士去買奶茶也被叫「馬騮精」。 談到墮馬受傷的劉德華宣佈已出院，Dicky說：「我有為佢祈禱，希望快啲好返，鍾意佢嘅朋友唔使擔心，我認識嘅華仔係好堅強。佢身體底子好，相信復原力快啲，意志力又強。（探佢？）唔好搞佢，依家需要休息。」