折骨Ben一腳踢製作既困難又有滿足感 首以獨立歌手身份推出英文歌丨獨家

折骨Ben（趙祥誠）以獨立歌手發展後，最近推出首支英文歌《Young Freak》，由他親自參與作曲、填詞和監製，還負責度橋拍MV，由於全無經驗遇上不少困難，壓力亦好大，但完成後分外有滿足感。他認為歌曲用英文演繹，最能直接表達他的想法，但已計劃明年推出廣東歌和國語歌。採訪：杜杜 攝影：羅安強 場地:The AIR (The ONE)

Ben已有近2年未有歌曲推出，好心急希望今年內一定要出新歌。

Ben已有近2年未有歌曲推出，好心急希望今年內一定要出新歌。

Ben已有近2年未有歌曲推出，好心急希望今年內一定要出新歌。

Ben已有近2年未有歌曲推出，好心急希望今年內一定要出新歌。

Ben已有近2年未有歌曲推出，好心急希望今年內一定要出新歌。

Ben去年約滿寰亞轉型獨立歌手後，終於有新歌《Young Freak》面世，還由他親自參與作曲、填詞和監製，就連MV都有份度橋，而歌曲內容正是他的心聲，「由細到大我都有好多奇怪諗法，就好似個『怪朋友』咁陪住我成長，但慢慢成熟同呢個『怪朋友』可能會越行越遠，呢首歌就係想提醒大家唔好放棄呢個『怪朋友』，繼續多啲唔同諗法去追求自己夢想。」

《Young Freak》的舞蹈，當然亦由Ben親自設計。

《Young Freak》MV，Ben大部份時間在貨𨋢內拍攝。

MV 中，Ben搵來朋友加入電腦特效。

望打入國際巿場

由於新歌身兼多職，Ben坦言壓力超大，「我真係好多方面都冇經驗，全部嘢都係邊做邊學，好彩過程搵到好多好朋友幫手。」而當中最困難是拍MV，他竟然只花了1天拍攝完成，「太耐冇出過歌，我好想快啲有新歌同大家見面，為咗趕進度所以用咗好少時間拍攝，但製作MV經驗真係好少，真係好困難，但𠵱家出到街又覺得特別有滿足感。」本身鍾意畫畫的Ben，歌曲的封面亦有親自創作，「Cover除咗用相之外，我都想有啲唔同，自己嘗試用電腦設計咗個歌名出嚟做封面，出黎效果都幾滿意，家姐鼓勵我攞嚟做鎖匙扣紀念品。」

Ben將設計的Cover字體，製成鎖匙扣作紀念。

Ben將設計的Cover字體，製成鎖匙扣作紀念。

對於首支創作歌曲用英文演繹，Ben認為最能夠直接表達自己想法，「我通常寫歌都係會寫咗英文先，一嚟可以最直接表達我嘅想法，寫廣東話同國語歌詞真係太難，加上我有個諗法可能大家會覺得太遠，但係我都希望歌曲可以有日打入國際巿場。」不過有了這次經驗，Ben相信未來製作歌曲會更加順利，推出歌曲的密度會更高，「今次真係學咗好多嘢，更加清楚個流程，下次再出歌應該會好啲，進度亦都會快咗，所以下年年頭應該會再有新歌，𠵱家製作得差唔多，下年仲打算推出廣東歌同國語歌。」

愛畫畫的Ben，日前畫作參加《藝海同行四維彩墨會員作品展2024》。

Ben的畫家家姐Elaine（趙綺婷），亦有份參展。