別叫我賭神丨周潤發被狂摑62巴落order叫拍檔咪留手 黃德斌錯手令發哥血灑片場！
2023-06-01 20:30 
由周潤發（發哥）及袁詠儀主演的電影《別叫我賭神》將於下月21日在內地上映，連日來劇組發放了多段光花絮片，貴為國際巨星的周潤發一點都不錫身，其中有一幕被「債主」黃德斌上門追債而被連續狂打62巴，為了效果逼真，親自指點及示範，叫黃德斌不用留手， 另一條片更見到黃德斌錯手令周潤發血灑片場！
【相關文章】：周潤發68歲生日發嫂甜蜜送驚喜 壽星向鐵粉袁詠儀索吻竟被嫌棄！
【點擊睇周潤發《別叫我賭神》被怒摑62巴】：
周潤發今次出山再度飾演賭神，不過由昔日的富貴賭神變成「落難」賭神，他更以長髮造型亮相，雖然造型有變，不過親民態度一如往昔，與劇組相處毫無架子，在拍攝一場被「債主」黃德斌上門追債的戲時，雖然被連刮62巴，但周潤發全程坐定定，任打唔嬲，反而黃德斌比較猶疑，擔心傷到周潤發而不敢下手，結果周潤發親自示範，落order叫對方出力去做！片中還見到鏡頭背後，大家打成一片，周潤發不但親自下廚，又會幫工作人員按摩、開金口唱歌娛樂大家，當然還有親自揸機與自拍影合照！
在另一段片亦看見，周潤發拍攝一場動作場面期間，被對手黃德斌錯手打傷頭部，血流披面，不過周潤發堅持完成演出才接受治療。黃德斌曾在訪問上說過：「其實係我拎嘅噴髮膠樽甩手，原意唔係要扑發哥，只係想兇佢，點知膠樽同樽蓋突然分開搞到甩手，膠樽跌咗喺發哥頭上，流晒血。當時我係唔知道，只係見到發哥㩒住個頭，然後我又唔見有人嗌『Cut!』，發哥自己都冇出聲，咪繼續拍落去，差唔多去到尾聲，我回頭望先看見到發哥個頭流緊血。」
在花絮片上見到周潤發受傷後反過來安慰黃德斌：「皮外傷嚟，唔使驚，淡淡定、有錢剩。」完全戲份的周潤發，事後住醫院檢查，發現傷口長達到一吋，需要縫5針，只留院2小時後便返回片場繼續拍攝，他搞笑地向大家說：「五福臨門，連咗五針，五谷豐收呀！」
【其他文章】：
34歲霍啟仁攜泰國女友Sweet爆現身飯局 獲讚氣質出眾撞樣前港姐朱千雪
最新回應