炎明熹澄清「停學」傳言 每朝視像上課放學先開工

現年17歲的炎明熹（Gigi）自參加音樂節目《聲生不息》後，在内地人氣持續急升，微博粉絲至今已突破56萬人。不過由於節目錄製需時，Gigi在姑丈的陪同下一直留在內地未能返港，令不少粉絲都表示掛念，更有人擔心已離港三個月的Gigi學業受到影響。

Gigi日前在完成工作返回酒店後，便開直播與粉絲分享近況，其間她她就藉機會澄清「停學」的傳言。還未吃飯的她，邊吃下午叫的壽司，邊搞笑表示：「食落去冇奇怪味道，應該可以嘅！」Gigi更笑稱自己在眾多藝人中是「大嚿Gi」，所以近來已戒食牛和鴨，非常克制。

 

Gigi好鍾意食嘢，笑稱喺眾多藝人中係「大嚿Gi」。

Gigi 離港已經3個月，令粉絲好掛心。

Gigi 開直播，表情多多好搞笑。

 

Gigi預告自己快將回來香港及推出新歌，但對於歸期則大賣關子：「我可唔可以同大家講我幾時返香港？唔話畀你哋知，不過你哋好快就會知道！」

至於就讀聖安當女書院中五的Gigi亦順道澄清自己其實每日都有以視像形式上課：「其實大家每日返學我都要返，只係我以網課形式上堂。（兼顧到工作同學業？）暫時都可以，朝早就返學上網課，大家返學時間我都係返學呀！我兩個朋友為我拎住iPad走來走去，真係非常之辛苦，而有時我放學再去工作。」
 

Gigi 參與《聲生不息》，仍未有透露幾時返香港。

爸爸比較怕羞，貼相慶祝父親節都要遮眼。

 

星島新聞集團慶回歸25周年專題網站，請即瀏覽

立即下載 | 全新《星島頭條》APP : https://bit.ly/3yLrgYZ