方健儀拍片教大家派物資錦囊 堅持勿以善小而不為
2022-03-28 13:00 
前新聞主播方健儀好有愛心，疫情期間不停派送抗疫物資。之前除了在「愛互送」平台捐贈超過1000件抗疫物資外，更身體力行到她捐贈的受助社福機構銀杏館，一起派飯及派抗疫物資予基層。她坦言一個人力量好小，但結合眾人之力就是無限大。
最近方健儀忽發奇想拍片，由衣著裝束開始，親自示範如何選擇送贈抗疫包的目標人物，並提供相關資訊及錦囊。她表示自從派物資後收到不少網民私信，向她了解派給誰？派什麼？幾時派？邊度派？點解派？點開口？對於一直好想自發幫助別人，但又無從入手的人，她拍片親自示範。
當日孭住背囊，一身輕便打扮的方健儀趁住「單拖」去攞凍肉的行程中，觀察途上有邊啲係有需要抗疫物資的用家，當見到清潔工人哥哥、姐姐，坐輪椅人士等，便上前派發物資包，順道跟他們互動打打氣。她說：「我每次都唔係帶好多抗疫包出嚟嘅，今次都係好似平日咁出行，負擔到幾多得幾多啦！唔需要一定要派晒佢，係隨緣同隨心嘅，睇你路上遇到咩人，不過，今日好開心可以將抗疫物資順利派發晒出去，可以『吉』出個環保袋嚟載凍肉，所以要記住我句說話，莫因小善而不為，你小小嘅力量對身邊人嚟講係大大幫忙，頭先見到佢哋嘅笑容，對我嚟講係大大欣慰。」
更多第5波疫情資訊，請到以下專頁瀏覽（按此）
立即下載 | 全新《星島頭條》APP : https://bit.ly/3yLrgYZ
最新回應