再次PuppyLove丨霍哥公開MV花絮導演自肥拍明禎鏡頭多過主角193

2022-01-16 09:00

ERROR成員193（郭嘉駿）在32歲生日當天推出新歌《再次PuppyLove》，MV更邀請大馬女神林明禎做女主角，雖然是一首情歌，但由於193和明禎都飾演學生，所以只有純純的愛，193亦未能得呈自肥。

193的新歌MV，還邀請微辣的霍哥和蛋撻頭（Delta T）演出，霍哥在自己的YouTube頻道上載幕後花絮，三個大男人不用埋位即圍埋傾「男人經」，場面爆笑。193自爆有提醒林明禎：「記得着打底褲，因為會有班鹹濕佬客串，認住一個高高地，一個肥肥地。」霍哥即反駁全場最高應是193，反叫明禎應該要小心他。而193亦直認是衣冠禽獸，所以會在片場外偷拍明禎。提到霍哥經常與女嘉賓搭膊頭影相，霍哥透露亦有跟明禎合照，193即大反應說：「你掂到明禎？」霍哥自爆慘食檸檬：「我問可唔可以搭膊頭，佢話唔得。」

193提醒明禎要打底。

因為現場有咸濕佬。

193問霍哥有冇掂到明禎。

另外，導演突然在現場加插明禎的跳舞橋段，193和霍哥更爆明禎的拍攝時間比主角更長，霍哥說：「我哋三個加起嚟都冇拍咁耐。」193更說：「依家係over梗架，但仲喺度拍緊明禎，我都冇咁多shot，明明個MV係我架嘛，我只係拍咗兩次，佢就有四個唔同角度。」而平時超時製作組會「催鐘」，但今次工作人員就個個拿手機拍攝，靚女果然有特別待遇，十分搞笑！