古天后日誌|港股成功企穩50日線 中線走勢應逐步轉好

2022-01-14 09:00

1月14,大致多雲,早上清涼,日間短暫有陽光。聯儲局喺美國通脹收據創近40年新高後,暗示將收緊貨幣政策應對通脹升溫,高估值科技股再被殺估值,美股隔晚顯著下跌,納指跌380,跌幅達2.5%;道指跟納指分別跌176點及67點。大型科技股全線向下,有分析師指未來數月美國10年期國債孳息或升至2厘水平,投資者者正消化聯儲局更加鷹派立場,而通脹數將進一步上升。不過瑞銀高級經濟學家Brian Rose表示,美債息上揚唔會危及美股,同時預期通脹喺第一季見頂,並喺今年餘下時間回落。

古天后一向係好友,對美股後市仍有信心,雖然今年美股表現會更反覆,但只要美企盈利維持增長,應可支持美股繼續做好。而美股將踏入業績期,公司對2022年業績指引,將會係決定美股後市命運嘅因素。

至於港股今日難免受美股影響而向下,不過恒指成功收復50日線( 24015)並企穩嘅話,中線走勢改善中,暫時都唔好咁快睇淡,若然恒指能成功守埋24200水平,短線仍有條件再向上挑戰100日線,即24600水平。而大市要向上,都係要靠幾隻重磅科技股,ATMXJ早兩日急升後,呢兩日回吐無可避免,但京東(09618)落返280樓下,騰訊(00700)470樓下,美團(03690)220樓下,其實又可以諗諗,雖然美股嗰邊嘅科技股不斷殺估值,但港股呢邊嘅科技股,喺舊年因為監管因素,已先行一步狂殺估值,目ATMXJ呢幾隻重磅科技股,除O左美團之外,估值已回復至相對吸引水平,呢O的股份反而今年有機會重拾升勢,可以分段收集。

古天后

(徐狄怡,證監會持牌人)

關鍵字

最新回應

關鍵字

相關新聞

熱門文章