獨家丨展鵬多場肉搏打到周身瘀 拍《鐵拳》零保護拳拳到肉

文偉鴻監製，本年首部播出的TVB新劇《鐵拳英雄》由視帝陳展鵬、視后唐詩詠、陳山聰、姚子羚及伍允龍主演。劇中陳展鵬有多場肉搏戲，其中黑獄擂台更是8人大混戰，他要跟陳山聰、伍允龍赤膊對打，零保護裝備下拳拳到肉，打到全身瘀傷，場面逼真，真係視帝唔易做。採訪：方騫平

陳展鵬拍劇好投入，打到周身瘀傷都冇怨言。

《鐵拳》喻為《城寨英雄》的「姊妹作」，後者是陳展鵬7年前的視帝作，故成為亮點。今次故事以5、60年代嘅曼谷為背景，身懷八極拳絕技嘅陳展鵬聯同唐詩詠、陳山聰、姚子羚、伍允龍、王君馨、元秋呢班英雄俠士，以「鐵拳」守護家園。劇中展鵬依然好有發揮，尤其再展身手打到飛起，而且仲會同唐詩詠扮鬼扮馬，監製文偉鴻仲將唐詩詠轉變戲路變成粗鄙、貪心及詭計多端嘅騙子，又大讚新形象嘅詩詠演得入型入格，而詩詠亦要苦練八卦掌，跟大隻佬打到啪啪聲，好專業。

監製大讚詩詠將詭計多端嘅騙子演得入型入格。

 

展鵬多番捨身救詩詠，成功把詩詠撩得心猿意馬。

陳山聰伍允龍鬥肌

另外，陳山聰及伍允龍唔止要晒肌，山聰為咗拍決心喺黑獄擂台打死展鵬呢場戲，搵嚟泰拳師傅操咗兩個月，打得有板有眼。王君馨拍前亦跟武指苦練兩個多月，有一場戲擊殺歐瑞偉兩個仔，一招朝天一字馬，無花無假，現場工作人員都拍手掌。至於飾演黑幫千金嘅姚子羚，冷艷機智，都有好大突破。
 

陳山聰及伍允龍鬥肌兼鬥戲。

 

伍允龍被打到黐埋牆，見到都痛。

 

姚子羚冷艷機智，同陳山聰有段生死戀。

 

劇中王君馨精通十二路潭腿，武功剛勁無比。

 

劇中陳山聰收受兩大黑幫利益，為上位不擇手段。

 立即下載 | 全新《星島頭條》APP : https://bit.ly/3yLrgYZ