孫慧雪考慮40歲出泳裝年曆 陳嘉倩唔滿意身材拒效法

孫慧雪和陳嘉倩今日出席活動，兩人表示大家有共同朋友，雖然在社交網有互相追蹤對方，但今次是首次見面，更互讚對方是靚女。39歲的阿雪表示近年有出版商邀請出年曆，但經過考慮後決定明年才推出，不過又擔心下年難以保持身形。她說：「造型方面唔會好性感，嗰兩嚿肉移師上去塊面度，健康為主啦！可能有泳衣，大家記住買啦！」問到老公會否反對性感？她說：「佢講話係咪真係出呀？你呢個年紀喎！」

31歲的陳嘉倩得悉孫慧雪會出年曆，卻笑言自己未有此打算，因對身材不滿意。但孫慧雪則踢爆對方常在社交網晒靚相派褔利，陳嘉倩解釋只是上載生活相，另外她又表示除夕會做主持工作，而去年因疫情關係，已減少七、八成工作，幸好今年逐步回升。