森美收自己應援物勁開心 宣布Fans名稱叫「美人」

因為之前拎呂爵安燈牌去睇MIRROR演唱會，加上又好支持MIRROR，所以森美經常收到鏡粉送贈的MIRROR應援物，貼紙海報手幅呢啲好基本，之前Edan出第三首單曲《My Apple Pie》，森美就收到蘋果批應援物，當時仲讚「爵屎」好醒目添。

本周五就48歲生日嘅森美今日都收到自己嘅應援物，「我快生日，我粉絲好有創意跟潮流，幫我整應援物，有我嘅卡同埋森美愛情尺，商業電台啲同事收到個個問我搞乜鬼，Hahaha. 好玩！」

而姜濤有「姜糖」、Edan有「爵屎」、Anson Lo有「神徒」，森美嘅Fans都有名嘞，「我正式向大家宣佈我D粉絲叫做『美人』，多謝我班『美人』送畀我嘅禮物！！」森美仲話成日收到MIRROR應援物，所以就叫自己班「美人」送返應援物畀佢哋當係回禮喎。