全民造星IV｜卓韻芝插話劇表演冇層次　B1組慘敗方方自責爆喊　

《全民造星IV》昨晚播出的一集，繼續由Candy、Ashi、阿蛋及Kinki組成A2組對決由Hannah、馬欣及方方組成的B1組，兩隊分別演繹指定歌曲《無忘花》，A1組選擇以鋼琴伴奏合唱，成功感動到5位評判，吳雨霏都讚：「我feel到你哋嘅真心。」

B1組就選擇以Drama形式表演，馬欣及方方飾演80多歲的老人家延伸自選項目時表演的話劇，不過B1組的表演得唔到評判歡心，卓韻芝更講到皺晒眉：「我覺得呢一個表演幫唔到你哋，呢嗰表演係好多層次，一開口時，我就完全聽唔到嗰個好複雜嘅情感。」吳雨霏亦表示：「其實唱歌都要入戲，你哋三個好似未開聲。」而陳詠燊就反問三人：「你哋扮演緊婆婆，咁係用婆婆聲唱定係自己聲唱？」方方就喊住話係自己失誤，最終A2組以5盞藍燈成功勝出，而B1組的Hannah就被即時淘汰。