宋宛穎台慶夜初任司儀獲讚淡定 邵初贏1萬元請食魚旦唔夠分

本屆港姐冠亞季軍宋宛穎、梁凱晴、邵初及最上鏡小姐楊培琳，今日與鄭俊弘及伍富橋一起到將軍澳出席「愛心曲奇暖萬家」宣傳活動，並與大班小朋友一起玩遊戲。宋宛穎在日前的TVB台慶活動上，首次擔任司儀並與前輩鄭裕玲合作，事後獲讚表現穩定不怯場，宋宛穎聞言即開心地說：「真係？多謝，我仲未睇外界嘅評語，但都想知大家點睇我嘅表現，原來有咁多好嘅聲音，真係好開心。」宋宛穎坦言想再出任司儀工作，吸收更多經驗。

不過，宋宛穎當晚所穿的粉紅色燈籠袖裙，與其他司儀面對鏡頭時，出現阻礙身邊人的情況，宋宛穎尷尬地表示服裝是由公司安排。而楊培琳也想試當司儀，不過她自覺有不足之處，面對多人場面時卻不夠講膽，坦言要跟前輩學習和吸收一下。此外，台慶當晚邵初獲1萬元利是，其他人可有要求她請食飯？邵初笑言：「有呀！好多人要求，一人請一粒魚蛋都未必夠用，不過我仲未領取，領咗之後再從詳計議。」