聲級學堂｜丁子朗游嘉欣自毁靚樣做教材

TVB為延續節目《好聲好戲》熱潮，早前特意在數千名16至30歲的參賽者中挑選20名精英，安排他們參加由黃鳳英及18名TVB專業配音員用心打造的一連串課程，並將相關課程剪輯成5集的《聲級學堂》於11月20日開播。
為增加節目趣味性，節目找來丁子朗、游嘉欣、郭柏妍及劉頌鵬拍攝一系列「配音模片」供導師及學員當作教材，包括「韓文嗌交大法」、「日文調情大法」、「打鬥大法」、「吐血身亡大法」、「呼吸大法」以及「表情放送大法」等。

問到丁丁及游游拍攝時有否遇到甚麼趣事時，游游笑指由於自己「執輸行頭」，故此拍攝期間一度搲爆頭：「我係尾二嗰個拍，真係諗爆頭，因為可以做嘅都畀人做晒，惟有做崩潰大喊嘅表情，都幾難㗎。我其實都好心急想睇吓自己做成點，暫時睇相都可以接受啦。」至於丁丁則謂：「好好玩呀，平時拍戲好少可以將表情做到咁誇張，今次其實就好似做番平時做戲嗰啲練習咁，所以都做得好舒服。」