張振朗超黑仔1個月爆兩次車胎 網民取笑：拖車師傅好靚女

張振朗的越野私家車近月頻頻爆胎，上月中凌晨4點才發生過一次，當時他表示：「我相信慢慢慢慢我就會慣。」日前張振朗去拜山，遇到同款的越野車，搞笑寫道：「等佢哋傾下計先，如果唔係佢哋扭計嘅話，我又要call拖車。」

怎料話口未完就開口中，只相隔一個月左右，今日張振朗的越野車又爆胎，他於社交網上載一張藍天與白雲的相片，當以為他相當寫意之際，他叫大家睇埋第二張相，原來他的越野私家車又出事，並泊在公路邊等拖車，他寫道：「當你睇到呢張相，係咪覺得我好chill，喺度歎緊好溫暖嘅下午？你試吓睇埋第二張相，我爆軚…係呀我又等緊拖車 #大家唔使哄我…我冇事… #我真係冇嘢。」不少網民留言笑指：「拖車師傅好靚女咩？」、「不如你轉揸拖車」好友劉佩玥則留言安慰：「冇事冇事，人冇事就好」。