《膠戰S2》熱播帶挈接廣告 Hillary期望齊集六膠演出

2021-10-26 00:30

ViuTV人氣節目《膠戰S2》現正熱播中，承接上一季原班人馬包括劉沛蘅（Hillary）、呂爵安（Edan）、岑珈其、魏浚笙（Jeffrey）、徐浩昌（肥腸）與黃正宜（阿正），「六膠」再度拍住上一起做主持。六人合作時雖然表面上不時互相傷害對方，但現實中感情卻十分之好，好像近日其中四膠Hillary、岑珈其、阿正與肥腸便一同拍攝外賣平台廣告，實行有錢齊齊搵。

拍攝片場搭建成一個遊樂場，未埋位時四人認真玩「狐狸遊戲」，但原來阿正不懂規則，岑珈其搞笑作狀鬧她：「你真係唔識架喎！」最後岑珈其當狐狸先生，笑翻全場！Hillary笑說：「今次算係第一次同《膠戰》嘅朋友拍一個有劇情、大家一齊演戲嘅廣告，可以珈其呢啲老戲骨合作，佢真係好好戲，就算呢個係有趣嘅故事，都係好開心、好滿足呀，仲笑到我牙骹有啲攰。」Hillary期望下次可以再有齊Edan及Jeffrey，六膠齊人拍廣告。