胡鴻鈞望蔡思貝親來捧場 個唱上將與欣宜大跳勁舞

胡鴻鈞（Hubert）今日到電台宣傳下月舉行的《胡鴻鈞 2021 The Day After 演唱會》以及新歌《謝謝你的應援》，他笑言正為演唱會積極排舞，未知為何粉絲咁大期望還是想看他跳舞出醜，希望屆時能帶驚喜給大家，提到騷肌便有驚喜？Hubert笑言要過自己一關，早前拍電影時很Fit，但現在適逢增磅期，身形較肥胖，因此會積極做Gym減磅。今次嘉賓會邀請炎明熹及老友鄭欣宜，Hubert笑指欣宜跳舞很OK，正研究如何一起跳舞最好睇，希望是驚喜而不是驚嚇。

提到賣票情況，Hubert指已公開發售一星期，據他所知情況理想，因此會專心好好表現。提到緋聞女友蔡思貝有能力包場？Hubert笑說：「我都想有多啲有能力嘅朋友，佢話會支持但未知要唔要開工，可唔可以到場睇都係未知數。」會否留位給她？Hubert笑謂：「如果有個空位好似好詭異，會唔會留飛？我啲飛主要俾圈外朋友，圈內嘅公司會有預留，希望佢可以到場支持。」

談到演唱會及贊助商被網民發起抵制，Hubert表示沒影響心情，作為藝人會想被報道，反而多謝大家關注，現在準備演唱會無暇關心外界新聞，但事件後收到很多圈內外朋友關心，現階段自己不能控制，惟有交給團隊處理。