全民造星IV丨3妹郭嘉盈咬緊牙關盡地一煲 96位參賽者新相曝光

ViuTV皇牌選秀節目《全民造星IV》將於下月1日（周一）晚首播，今次找來梁祖堯和許廷鏗擔任導師，繼早前推出的首部曲「造星の駅」《前傳》以及「始発の駅」為題的MV後，今日官方FB專頁上又發放新一輯宣傳相片，同時還有各人星座、嗜好、專長以及私密生活片段，等大家加深認識96位參賽者的真實一面！

雖然在96位參賽者中不乏熟悉的面孔，例如曾參加《造星III》的方芷欣（方方）及夏子涓、蘇家欣（阿Bee）及鄭嘉欣（Christine），又有ERROR郭嘉駿（193）的妹妹郭嘉盈（3妹）、余香凝妹妹余潔滢及歐陽巧瑩妹妹歐陽巧霖（Bubu）等人，加上早前推出的MV影到個個都很清新，但有網民覺得相片質素一般般，有人說：「點解啲相好似仲衰過上次佢哋自己嗰啲？」、「睇嚟女團嘅定位會係實力派！」

隨着節目出街的日子愈來愈近，大家的心情當然緊張，3妹昨日（18日）亦在IG撰長文訴心聲，當初有不少朋友知道她會參加《造星IV》而感到驚訝：「因為一直以嚟我都好摺好無自信，即使身邊朋友叫我大膽嘗試下幕前嘅工作，我一路都唔敢試。當我人生好迷惘嘅時候，我見到節目招募，突然叮一聲，我唔想呢世人咩都無試過就咁過咗，我唔想到老咗先後悔，一生平平淡淡，後生都唔突破自己，連自己想做嘅嘢都唔去嘗試，唔係要成功先去做，而係唔試就一定唔會成功！」３妹又感激一直支持她的朋友仔，以及途中遇到過所有好照顧她對她好的人：「最後要多謝J組所有女仔，畀咗個咁難忘嘅2日我，同你哋一齊真係好開心，好慶幸自己入到J組！」