陳豪搵老婆出手設計咖啡店廚房餐單：不過未知幾時成事

陳豪今日出席一個健康活動，他表示年紀漸長也開始改變飲食習慣，尤其關注血壓、血脂和血糖方面，除了要學識選擇對身體不會造成太大負擔的食物外，最重要還是識得如何控制飲食餐單，又指太太陳茵媺更是飲食方面的專家，尤其在小朋友飲食方面：「佢好犀利，會研究點去整健康又好食嘅食物，我又唔會唔畀3個小朋食零食，亦唔建議對小朋友嘅飲食控制得太厲害。」

講到陳茵媺近來熱愛下廚，他又有經營咖啡店，問到可會夫妻檔合作？他說：「去到商業模式就唔好亂嚟，始終做生意要計數，而且佢又要照顧小朋友，如果要佢打理咖啡店嘅廚房就要花更多時間，但我哋都有計劃由佢設計餐單，再引入商業模式，不過幾時成事就未知。」

另外，有指陳豪主演的劇集《白色強人II》本來是今年的台慶劇，最後卻延遲到明年推出，陳豪表示不會失望，笑謂劇集卡士強勁，幾時推出都很有信心，講到可能因此影響他爭視帝？陳豪說：「唔緊要，每年都有唔同嘅鬥爭，今年冇咪就等出年。（因為已經攞過？）又唔可以咁樣講。」