晒全雞餐分享減肥心得　32B麥明詩谷胸Selfie引死網民

麥明詩（Louisa）去年11月跟TVB改簽一年一騷部頭合約，並轉投律師樓顧問工作，不過近日她向公司請大假「復出」，為亞洲心動娛樂出品、戚其義監製兼執導的網劇《逐流時代》演出，劇中除了與麥子樂、黃德斌陷入三角關係，仲不乏親熱及泳裝戲份，所以Louisa都要加操以最Fit狀態上鏡！

繼日前於社交網上載貼身背心格仔裙照，大晒玲瓏浮凸身形後，今日她再貼出一張火辣Selfie，相中穿低胸小背心的Louisa，捧住滿載雞蛋和雞胸肉的飯盒，她寫道：「好多人話我fit咗，問我點咁快減到咁多，除咗一個清晰嘅目標同恆心、一個星期游水三次、隔日喺屋企跟app做6-10分鐘body weight workout（其實好快）之外，控制飲食係不能避免嘅。（要減嘅話，最好就早啲開始，唔使好似我咁咁辛苦）」一眾網民紛紛留言讚Louisa瘦咗好多，亦有不少人認為她本身已經好Fit，根本唔使減；不過都有好多網民錯晒Fo，留言大讚胸前谷出32B事業線好性感：「睇到流鼻血啦」、「亮點係飯盒後面」、「美胸」、「深不可測」、「凍親個心口呀」等。