開騷獲偶像羅志祥加持姜濤開心出post：謝謝你替我加油

2021-05-10 17:30

萬人迷姜濤忙於喺九展開MIRROR騷，昨晚嘅母親節梗係台上度過啦，不過，卻收到一份驚喜禮物。原來係得到偶像「小豬」羅志祥嘅加持。他興奮地馬上喺IG動態出post，留言：「小豬哥，很開心你真的看到這個表演了，謝謝你替我加油，今晚的精舞門，炸起來。」並得到小豬轉貼繼續為他打氣：「今晚Good Show」！

去年小豬遭前度周揚青踢爆私生活唔檢點，熱衷「多人運動」，搞到人氣插水，其實被揭開「真面目」前，他都係超級偶像，姜濤係其中之一，姜濤早年參加內地選秀節目《2017快樂男聲》時，正直小豬擔任「音樂召喚師」，姜濤有幸喺偶像面前表演《美麗的誤會》。可惜姜濤被淘汰，他也曾在羅志祥耳邊說：「我會堅持的。」，羅志祥回答：「堅持比努力可怕！」姜B果然言出必行，就憑他嘅堅持，終於喺《全民造星》脫穎而出。到2019年4月姜濤生日前夕，小豬拍片祝壽嘆句自己走漏眼：「覺得很可惜，當時沒有把你簽下來，要不我們就是一家人！」