為拍MV上山下海又跳絲帶舞　菊梓喬跳出夢幻感覺好開心

菊梓喬（Hana）早前為主唱的TVB新劇《愛美麗狂想曲》主題曲《愛很美麗》拍攝MV，為呈現一種浩瀚澎湃的感覺，眾人一早到石澳攀山落石灘取景，Hana說：「去石灘條路係有啲難行，自己又着住條裙，唔係太方便，不過到達現場見到個大環境，就覺得一切都好值得，天氣好好加埋啲海浪，成個感覺好靚。」

談到MV中有一段絲帶舞的表演，Hana表示一直好喜歡絲帶舞的美態，本來希望在之前的演唱會上表演，但覺得好適合《愛很美麗》MV，故跟導演商量後便構思了今次的拍攝，Hana續道：「確定咗要拍攝後，我就努力再去補堂，未試過喺其他人面前跳，其實都幾緊張，感謝老師特別到現場教導，今次未係最理想，不過可以靠鏡頭遷就拍攝，最重要係放鬆有笑容，跳出一種美麗夢幻嘅感覺，其實好好玩，自己都好開心，最緊要大家鍾意。」