星島日報

【維港會】妥瑞症兒子遭歧視「傻嘅會傳染」 港媽感痛心:隨口幾句令人好崩潰

2021-02-09 08:25
港媽為兒子遭歧視感心痛。網圖及生仔要考牌系列fb圖片
港媽為兒子遭歧視感心痛。網圖及生仔要考牌系列fb圖片

每位母親都希望子女健康成長,倘若兒女患病更遭受歧視,更是無比痛心。一名媽媽在社交網站發文,分享早前帶同患有妥瑞症的兒子外出時,遭另一對母子歧視,對方更不斷口出惡言:「好心傻嘅就唔好帶出街啦,影響到人點算」。兒子事後忍不住當街痛哭,事主大感心痛難受,盼港人能理解妥瑞症患者。帖文隨即引起討論。

事主在facbook專頁「生仔要考牌系列」投稿,指她早前帶同患有妥瑞症的8歲兒子到銅鑼灣覆診,二人在街上欣賞聖誕裝飾時,恰好遇到另一對母子亦在附近看裝飾。期間兒子因病不自主搖頭,小朋友見狀隨即詢問其母親原因,怎料對方竟回答:「佢可能傻㗎,唔好企咁近,費事佢突然打人。」,隨後又稱「好心傻嘅就唔好帶出街啦,影響到人點算」。

事主聞言怒火中燒,但仍忍耐著怒氣,向對方解釋兒子患有妥瑞症,行為上與其他小朋友唔同,「但你哋有你哋睇,我哋有我哋睇,究竟影響到你乜嘢?」怎料對方未有反省自身行為,更稱:「嘩!會唔會傳染㗎?你咁黑心嘅,我個仔企喺你個傻仔隔離咁耐,又傻咗咁點算,真係自私。」事主表明兒子並非是傻,反而比一般小朋友更聰明,學校成績亦一直都頭幾名,「我個仔係大腦內嘅多巴胺受體過度活化,所以會咁,你唔知,我依家話你知!」

事主又指責該名母親的行為令兒子受辱,「當住我哋面前又話傻又話傳染,會令我仔好難受。為人父母,身教同口德好重要,做返個有人品嘅媽咪啦!」不過對方未有理會,更斥罵事主兩母子:「讀特殊學校呀,死傻仔,癲嘅生個傻,啱啱好!」

該對母子離開後,事主看到兒子忍不住當街痛哭,大感心痛。「太太,唔知你睇唔睇到,你隨口幾句說話,可以令人好崩潰。」她希望港人能理解妥瑞症患者,「妥瑞症係唔會傳染,希望大家多啲了解。唔明或者唔了解無所謂,至起碼見到呢類小朋友,唔好再傷害佢哋嘅心。本身佢哋已經好辛苦,但願唔好再有人用難聽嘅說話去傷害佢哋嘅心,真係好難受!」

帖文引起不少網民討論,大部分人留言斥責該名母親十分無品,「好過份啊!!!!睇字都嬲到我死!!!」、亦有人讚揚事主做得好「你已經盡力保護好個仔,你係仔仔堅強的後盾,希望仔仔越嚟越好。」、「唔好將呢啲人嘅惡意放喺心,呢個世界仲有好多友善嘅人」。

根據香港妥瑞症協會指引,妥瑞症是一種遺傳性神經疾病,患者會同時出現動作及聲語的抽動,並持續一年以上。基因是導致妥瑞症的主要成因,患者一般於年幼時就會出現病癥,但並非傳染病,並不具有傳染性,所以妥瑞症患者不應被孤立。

港媽為兒子遭歧視感心痛。生仔要考牌系列圖片
港媽為兒子遭歧視感心痛。生仔要考牌系列圖片

最新回應

關鍵字

熱門文章