【電話警告】遭妹夫羅子溢禁埋小珍珠身　楊卓娜呻：要影狗咁離遠影BB

2021-02-02 17:00

楊卓娜日前接受新城電話訪問，分享人生體驗、家庭及工作等。被問到人生大計？她笑謂：「我人生冇設計，冇計劃就係最好嘅計劃，活在當下。」那麼可有為11歲囡囡舒然先計劃人生？她說：「冇呀！人生係屬於佢，陪伴佢成長到20歲啦！」並謂會為女兒發掘興趣，但是否真正的興趣就留待她決定。

提到胞妹楊茜堯（前名楊怡）去年4月為老公羅子溢（前名羅仲謙）誕下女兒「小珍珠」羅翊心，問到兩姊妹有否交流湊B心得？楊卓娜指妹妹和羅子溢現於內地工作，小珍珠由其母親照顧，她笑道：「我埋去都唔畀，前日去探佢哋，羅子溢即刻喺電話同我講『戴番口罩，唔好同我個女玩到咁埋』，搞到我好大壓力，只可以影狗咁離遠影BB，但我都明嘅，而家疫情關係。」此外，對於新城電台曾有確診個案，楊卓娜笑說：「唔擔心，生死有命，做好自己，我都係佛系㗎喇！」