星島日報

【獨家】腥風血雨 《造星》系囝囝湧入樂壇 《造星III》NY搭John Mark 泰倫斯組男團爭食

2021-01-12 21:08
NY搭John Mark及泰倫斯組男團爭食,今年樂壇多新血,真熱鬧。
NY搭John Mark及泰倫斯組男團爭食,今年樂壇多新血,真熱鬧。

因為《叱咤樂壇頒獎禮》引發嘅「姜濤效應」成為全城熱話,加上MIRROR唔止攞組合獎,隊友亦拎咗新人獎。《造星》收成期啱啱先開始,事關有一班同樣出身《造星》系列的參賽者亦會於今年相繼殺入樂壇搵食。除《造星II》的Mike及MC外,《造星III》得第十名,20歲的鍾諾言(NY)亦被娛樂公司安排跟《造星III》的林躍翰(John)、謝嘉浩(Mark)及泰倫斯(Terence)組成跳唱Group,惡鬥簽約環球的跳唱組合PIX3L,自己人打自己人,誓必掀起樂壇一場腥風血雨。採訪:方騫平 攝影:張詠森

NY搭John Mark及泰倫斯組男團爭食,今年樂壇多新血,真熱鬧。
NY搭John Mark及泰倫斯組男團爭食,今年樂壇多新血,真熱鬧。
超額完成
鍾諾言(NY)唔介意在總決賽排第十,形容今季係超額完成,問到下季會否再捲土重來?他唞大氣話應該唔會,因為真係太攰。
超額完成 鍾諾言(NY)唔介意在總決賽排第十,形容今季係超額完成,問到下季會否再捲土重來?他唞大氣話應該唔會,因為真係太攰。

出道僅兩年,21歲嘅姜濤於今屆《叱咤樂壇頒獎禮》奪得「我最喜愛的男歌手」及憑《蒙著嘴說愛你》同時勇奪「我最喜愛的歌曲大獎」,創下最年輕得獎者紀錄。其實,姜濤出道後吸引大量女Fans追隨,更願意投入大量金錢賣廣告追星,不少唱片公司老闆看在眼裡深信《造星》出身的年輕歌手有得做,故願意揼本力捧。

年尾新人獎爭到黐線
踏入2021年,華納唱片率先宣布《造星II》亞軍「人氣王」張天賦(MC)加盟,環球唱片亦緊隨公布,《造星II》冠軍吳啟洋(Phoebus)與歐鎮灝(George)和葉振弘(Marco)以個性跳唱組合PIX3L形式出道。另外,《造星II》第8名,一向是歌唱比賽活躍分子兼經常攞獎的Mike(曾比特)亦簽約環球唱片,出道作《我不如》,由《造星II》導師Eric Kwok作曲和監製、林若寧填詞。而MIRROR成員呂爵安(Edan)及ERROR隊長「肥仔」梁業亦會單飛,預計年尾頒獎禮新人獎必定爭過你死我活。

跳舞組合
(左起)20歲林躍翰(John) 《造星III》20強、23歲泰倫斯(Terence)《造星III》40強、NY及22歲謝嘉浩(Mark) 《造星III》40強簽約迴音國際娛樂,將以韓風男子跳舞組合出擊。
跳舞組合 (左起)20歲林躍翰(John) 《造星III》20強、23歲泰倫斯(Terence)《造星III》40強、NY及22歲謝嘉浩(Mark) 《造星III》40強簽約迴音國際娛樂,將以韓風男子跳舞組合出擊。
狗場借籠
20強時揀咗演繹《摩天動物園》,原來呢個鐵籠由流浮山狗場借出,仲要勞煩經理人幫忙大清洗及搬運。
狗場借籠 20強時揀咗演繹《摩天動物園》,原來呢個鐵籠由流浮山狗場借出,仲要勞煩經理人幫忙大清洗及搬運。

屋邨仔視坤哥為目標
NY參加兩次《造星》嚟了解自己,知道能力去到邊度:「其實跳舞跳得耐都好想有個平台試新嘢,所以喺20強時揀咗《摩天動物園》演出,點知喺鐵籠度爬住唱,力有不逮,失準惹嚟負評,最怕條片會跟足一世!呢件事令到我喺總綵排時失去信心,最後乜都唔理豁出去。」比賽後NY跟Mark及Terence以組合形式面試,而他跟John相識5年,公司順理成章安排同門四兄弟組跳舞組合進軍樂壇:「𠵱家四兄弟一齊向前行,可以加大力量,兄弟情比單飛賺錢更加珍貴。」

NY坦言呢半年用咗五位數追夢,參賽日子身心都好攰,無非為將來鋪路:「晚晚搭的士返屋企,用錢買休息時間。家人好支持我,參賽期間舅父仲塞零用錢畀我,夠我坐的士,真係好窩心!」NY自爆係屋邨仔,同家人住緊井型公屋,目前生活只夠錢食「麵包」:「所以一定要努力,唔努力支持唔到自己,我目標同喺屋邨出身嘅坤哥(吳業坤)一樣住好啲,希望喺25歲前可以搬出去,不過,𠵱家做到自己鍾意做嘅嘢好開心,暫時仲有時間去任性。」

身心透支
參賽半年,NY日以繼夜排練,包括B組30強比賽同方方、右雨、Odi及卡文表演《 We 呸 We Play 》。
身心透支 參賽半年,NY日以繼夜排練,包括B組30強比賽同方方、右雨、Odi及卡文表演《 We 呸 We Play 》。
攰到爆燈
NY同ANSONBEAN及Timo表演 《登陸·真太陽》,攰到連放鬆機會都冇,最大支出係坐的士買時間休息。
攰到爆燈 NY同ANSONBEAN及Timo表演 《登陸·真太陽》,攰到連放鬆機會都冇,最大支出係坐的士買時間休息。
男團選秀
NY曾於韓國娛樂公司做過練習生,19年參加過內地男團真人騷節目《創造營2019》,蘇有朋為節目的班主任。
男團選秀 NY曾於韓國娛樂公司做過練習生,19年參加過內地男團真人騷節目《創造營2019》,蘇有朋為節目的班主任。
有廣告拍
Terence(上左)、NY(上右)、John(下左)及Mark(下右) 參賽後極速獲邀拍廣告。
有廣告拍 Terence(上左)、NY(上右)、John(下左)及Mark(下右) 參賽後極速獲邀拍廣告。
NY目標
2010年,住樂富公屋的坤哥參加《超級巨聲2》入行,2016年憑《原來她不夠愛我》橫掃各大頒獎禮新人獎,16年8月,在紅館舉行首個個人演唱會圓夢。
NY目標 2010年,住樂富公屋的坤哥參加《超級巨聲2》入行,2016年憑《原來她不夠愛我》橫掃各大頒獎禮新人獎,16年8月,在紅館舉行首個個人演唱會圓夢。
孖生兄弟
胡鴻鈞邀請跟他撞樣的《造星III》John拍跳舞片引來網民熱話。
孖生兄弟 胡鴻鈞邀請跟他撞樣的《造星III》John拍跳舞片引來網民熱話。
攞獎嚇親
21歲嘅姜濤喺商台《叱咤》獲兩個個人大獎,嚇到O晒嘴上台。
攞獎嚇親 21歲嘅姜濤喺商台《叱咤》獲兩個個人大獎,嚇到O晒嘴上台。
《造星》系新血
環球唱片
跳唱組合PIX3L(右)24歲吳啟洋(Phoebus) 《造星II》冠軍、(中)22歲歐鎮灝(George) 《造星II》第4及(左)20歲葉振弘(Marco) 20歲《造星II》30強。
《造星》系新血 環球唱片 跳唱組合PIX3L(右)24歲吳啟洋(Phoebus) 《造星II》冠軍、(中)22歲歐鎮灝(George) 《造星II》第4及(左)20歲葉振弘(Marco) 20歲《造星II》30強。
環球唱片
Mike(曾比特)27歲《造星II》第8名。
環球唱片 Mike(曾比特)27歲《造星II》第8名。
華納唱片
張天賦(MC) 25歲《造星II》亞軍。
華納唱片 張天賦(MC) 25歲《造星II》亞軍。
大國文化
呂爵安(Edan) 23歲《造星》第8名。
大國文化 呂爵安(Edan) 23歲《造星》第8名。
大國文化
梁業(肥仔) 30歲《造星》第4名。
大國文化 梁業(肥仔) 30歲《造星》第4名。

最新回應

關鍵字

相關新聞

熱門文章