星島日報

同女友鋸扒慶祝奪最受歡迎男角色 張振朗攞獎一刻開心到頭腦空白

2021-01-11 13:45
張振朗指自己有構思過賀詞,但得獎時腦袋一片空白。
張振朗指自己有構思過賀詞,但得獎時腦袋一片空白。

張振朗在昨晚舉行的《萬千星輝頒獎典禮2020》中,憑劇集《反黑路人甲》奪得「最受歡迎電視男角色」,談到上台攞獎時情緒有點崩潰,受訪時他解釋因為太開心未回到魂,個腦好凌亂,又多謝《反黑》整個團隊造就出一套成功的劇集。問到事前有否諗定賀詞?張振朗表示:「從來冇諗過攞視帝,雖然都有諗過少少賀詞,但得獎時腦袋變得空白。而且胡定欣喺宣布時引起丹爺(劉丹)誤會,當時丹爺指住我,我都俾佢嚇親,所以喺台上對丹爺講唔好意思。」

張振朗指自己有構思過賀詞,但得獎時腦袋一片空白。
張振朗指自己有構思過賀詞,但得獎時腦袋一片空白。
張振朗多謝《反黑路人甲》團隊造就出一套成功的劇集,使他奪得「最受歡迎電視男角色」。
張振朗多謝《反黑路人甲》團隊造就出一套成功的劇集,使他奪得「最受歡迎電視男角色」。

張振朗又指最感動看到身邊朋友上台攞獎眼濕濕,聽到大家得獎時多謝他就最開心。被問到為何沒多謝女友楊偲泳?他說:「我經常喺身邊多謝佢。」由於疫情加上限聚令無法一班人慶祝,所以他稱計畫與女友鋸扒過二人世界。其後,戴上透明口罩的張振朗又跟在門外守候的粉絲們見面,但卻拒除罩「吹喇叭」飲香檳慶祝,防疫意識真高。

張振朗騷後與粉絲見面,但拒脫下口罩飲香檳慶祝。
張振朗騷後與粉絲見面,但拒脫下口罩飲香檳慶祝。
張振朗在《反黑路人甲》飾演臥底「高彬」,劇中更有裸跑戲份。
張振朗在《反黑路人甲》飾演臥底「高彬」,劇中更有裸跑戲份。

張振朗和女友楊偲泳拍拖兩年,他計畫與女友鋸扒慶祝。
張振朗和女友楊偲泳拍拖兩年,他計畫與女友鋸扒慶祝。

最新回應

關鍵字

相關新聞

熱門文章