【維港會】外賣齋腸廿蚊得3條 網民：貴在啲芝麻

外出食飯最怕被「加料」，不過有大埔街坊就被「減料」，外賣叫齋腸盛惠20元，打開一看，居然只有3條腸粉，少得可憐，令網民大呻「中伏」。

有網民在「中伏飲食報料區」Facebook分享相片，指在大埔一間食肆，因為趕時間所以叫外賣齋腸， 盛惠20元，「一打開眼都突埋，以為自己唔知市價，問朋友比朋友笑」。只見一個發泡膠盒中只有孤零零3條腸粉，瑟縮在盒底一角，白雪雪的3條腸粉上只灑了零星芝麻碎。

網民都紛紛笑爆抽水，「呢盒係『好過去腸』」、「果啲芝麻係金箔嚟？」、「芝麻續粒計錢」、「好珍貴，要著番套晚裝先開餐」、「係個盒太大」、「廿蚊去買三寶重好，又有燒賣魚蛋，呢兜真係......」。