買紙底褲變紫底褲 梁漢文首次帶貨千萬成交額唔知有得分

梁漢文（Edmond）在社交網發文稱去了貴州演出，但忘記帶最重要的內褲，於是助手代勞為他買紙內褲頂住，但便利店店員伯伯未聽過「紙底褲 」，反問是否男士穿著的衛生用品？雖然助手再重複指要「紙底褲 」，後來伯伯好似明白謂：「哦！紫色的底褲」，最後助手買了條正常內褲，是宇宙最強甄子丹任代言的內衣品牌的紫色內褲。他說：「唔好話俾（畀）人聽，我聽日着住嗰條底褲係紫色嘅！完。」網民留言「好過紙底褲啦！著咗好似無著咁。著喺入面咩色都無人知」、「你聽日⋯⋯會唔會高興得滯出張性感照㗎？！」、「有得著好過無啦！」、「中文有句說話係『紅到發紫』㗎！」、「有冇覺得著住紫色個人旺啲」等。
另外，Edmond首嘗網上直播唱歌又帶貨，他坦言最初公司要求他參予時，感到有壓力，怕不及網紅吸引觀眾，又不懂如何推銷貨品。他笑言：「好彩有2位主播一齊做，聽講當晚觀看人數超過一百萬，又話成交額成千萬，那我也安樂一點。（成交千萬你分得多少？）分幾多？有得分咩？我冇呀…問下公司先。（人地網紅賣支唇膏賺一億？）唔係啩，我都想賺一億呀！」