入圍叱咤我最喜愛男歌手5強鄭中基徇眾要求出開心歌找數

2020-12-01 17:55

鄭中基（Ronald）主演的ViuTV原創劇《暖男爸爸》上月播畢，Ronald更憑劇集主題曲《My Only One》打入《2020叱咤樂壇流行榜頒獎典禮》「我最喜愛的男歌手」最後5強同姜濤及陳卓賢等後輩爭獎。此歌由西班牙歌曲改編而成，歌詞以愛為題，Ronald過往以慘情歌作品深入民心，今次如此Sweet，他笑言很少有：「碰巧遇上《暖男爸爸》需要Sweet的主題曲，因此一拍即合，開心之餘亦多謝Fans支持。」

Ronald又自爆手頭上處理緊另一首歌《玩咗先至瞓》，但原來一連推出兩首開心歌是為了找數：「曾經應承過唱開心歌畀大家聽，因為好多歌迷都話我啲歌太慘，次次都係失戀先至去K房唱，但熱戀嘅時候就冇乜歌可以唱，所以出兩首開心歌其中一個原因就係找數！不過接住都有一首即將製作嘅慘情歌，亦有電影主題曲，都係慘慘哋⋯⋯所以就先帶兩首開心歌畀大家，先甜後苦啦！」