【維港會】求診後要求幫愛貓配藥 病人：獸醫無得claim錢

醫護每日要見眾多病人，有時難免遇到一些奇怪患者。有診所護士近日在網上分享，一名女病人前來求診後，竟要求為自己的愛貓配藥，原因是「獸醫無得claim錢」，令護士哭笑不得。

該名護士在「診所低能奇觀」Facebook專頁分享貼文指，一名女病人看完診取藥時，從自己的手袋中拿出兩個小藥袋，上面寫著「獸醫診所」，「我見個藥名好熟面口，係咪人食都得呀？」護士一頭霧水，女病人續稱「唔知你可唔可以幫我放多幾粒落去俾我看門口呢？」

護士無奈表解釋，配動物藥應到獸醫診所，豈料女病人居然說「獸醫無得claim嘛」。護士堅持不會這樣出藥，「你都唔會去獸醫診所度拎自己食嘅藥啦......你係人，唔係動物呀嘛」。女病人聽畢，竟然即場「喵」一聲扮貓叫，「我會呀，我係貓呀」。護士完全哭笑不得，「不如你去出面啲藥房問吓啦，應該唔係好貴嘅啫」，但女病人堅稱，自己就是不想付錢才出此方法。

最後在護士的堅持下，女病人唯有悻悻然離開，但整個過程令護士大開眼界，「以後你係咪去睇獸醫呀？獸醫貴啲㗎喎，你老闆收唔收獸醫寫嘅病假紙㗎？」

貼文笑爆一眾網民，「個病人真係喵左一聲？無底線的嗎」、「你會唔會去銀行叫teller順手俾多幾張銀紙你看門口？」、「佢喵完，就應該收返佢袋藥同假紙，話我地唔可以幫貓睇醫生，叫佢返去獸醫診所去開藥同假紙」。