星島日報

【合體做live騷】黑妹送勵志歌畀林子博老婆  肥媽為老公不適爆喊

2020-10-12 20:17
因為近陣子老公身體唔舒服,肥媽唱到《憑著愛》歌詞感觸到爆喊。
因為近陣子老公身體唔舒服,肥媽唱到《憑著愛》歌詞感觸到爆喊。

2017年11月肥媽跟黑妹姐(李麗霞)曾喺新伊館舉行咗個《黑.媽媽笑住唱》香港演唱會,年多後兩人入紙申請再做,原先批咗喺今年二月情人節檔期合體,可是受疫情影響,兩人早已取消booking,不過,觀眾一直都好期待。黑妹姐之前應邀喺肥媽youtube頻道Easy cook度學煮餸,兩人重提合體事,興之所至話搞個live show,結果昨晚終於「找數」,兩人喺樂隊伴奏下唱足兩個鐘頭,吸引二萬多觀眾收睇,亦有觀眾課金點唱。肥媽盡顯巨肺本色嚟演繹,黑妹姐雖然肺癌做過手術,但唱歌不受影響,反而戒煙後,仲顯靚聲。

當晚兩人演繹觀眾點唱嘅經典金曲《故鄉的雨》、《蔓珠莎華》、《夢想號黃包車》、《萬水千山縱橫》、《Monica》、《冰山大火》等,當肥媽唱到蘇苪的《憑著愛》尾段時被歌詞感動得爆喊,肥媽說:「因為屋企有人唔舒服會牽腸掛肚。不過,好多人錫我老公,屋企人又好團結,所以係開心眼淚,人嘅一生起起跌跌都係磨練,我哋一定要正能量,堅持撐落去,我老公一定得。」

原來患有肺癌嘅Rick因為腰骨有啲唔舒服去檢查,照到腦部有微細粒粒壓住神經線,醫生驚塞住血管有機會腦充血,所以Rick兩周電咗個腦10次,電療後突然成個人down晒見暈,肥媽話老公好人好姐真係接受唔到,所以𠵱家她夜晚唔敢瞓照顧住老公,搞到面上長了壓力瘡。至於黑妹姐演繹勵志歌《總有你鼓勵》畀肥媽老公Rick及林子博老婆董燕君(Shirley),希望兩人早日康復。

因為近陣子老公身體唔舒服,肥媽唱到《憑著愛》歌詞感觸到爆喊。
因為近陣子老公身體唔舒服,肥媽唱到《憑著愛》歌詞感觸到爆喊。
肥媽、黑妹姐喺《黑.媽媽笑住唱》live show中演繹唔少經典金曲。
肥媽、黑妹姐喺《黑.媽媽笑住唱》live show中演繹唔少經典金曲。

肥媽為咗照顧老公,呢排壓力好大,但都堅持開live煮餸嚟減壓。
肥媽為咗照顧老公,呢排壓力好大,但都堅持開live煮餸嚟減壓。
黑妹姐演繹勵志歌《總有你鼓勵》送畀肥媽老公及林子博老婆董燕君。
黑妹姐演繹勵志歌《總有你鼓勵》送畀肥媽老公及林子博老婆董燕君。

肥媽、黑妹姐2017年11月喺新伊館曾舉行《黑.媽媽笑住唱》香港演唱會,之後仲拍住黎耀祥及阮兆祥走埠。
肥媽、黑妹姐2017年11月喺新伊館曾舉行《黑.媽媽笑住唱》香港演唱會,之後仲拍住黎耀祥及阮兆祥走埠。
黑妹姐之前應邀喺肥媽youtube頻道Easy cook度學煮餸,「速」成合體演出事。
黑妹姐之前應邀喺肥媽youtube頻道Easy cook度學煮餸,「速」成合體演出事。
曾患肺癌嘅黑妹姐,術後依然唱得咁好。
曾患肺癌嘅黑妹姐,術後依然唱得咁好。

最新回應

關鍵字

相關新聞

熱門文章